Temperatura ekstreme rekord u regjistruan një ditë më parë në Belgjikë, Holandë dhe në Gjermani, por më e keqja pritet të shënohet sot në Europën Perëndimore.
Rekord i ri i temperaturës në Gjermani arriti në 40,5 gradë Celsius, rekordi i mëparshëm u shënua me 40,3 gradë Celsius (Kitzingen, 5 korrik 2015).
Gjatë pasdites së djeshme në Holandë, termometri arriti vlerën e 38,8 gradëve Celsius në Gilze Rijen, në jug, pak më vonë në Eindhoven temperatura arriti në 39,2 gradë Celsius.
”Rekordi i fundit daton në 1944, me 38,6 gradë Celsius”, sipas Institutit Mbretëror Meteorologjik holandez.
Nxehtësia ekstreme ka shkaktuar rritjen e volumit të metalit në disa ura, në Amsterdam dhe Haarlem, duke e bërë të vështirë kalimin.
Punonjësit bashkiakë po përdorim ujë me presion për të ulur temperaturën e metalit të urave.
Ndërkohë televizioni lokal RTV Oost u propozon telespektatorëve ”një shikim të freskët” të programacionit të tij, me transmetim livestream të peizazheve të mbuluara me dëborë./atsh
