Tajlanda dhe Kamboxhia kanë rënë dakord për një armëpushim “të menjëhershëm” pas javësh dhune përgjatë kufirit të përbashkët, njoftuan të shtunën të dyja vendet në një deklaratë të përbashkët.
Sipas deklaratës së Komitetit të Përbashkët të Përgjithshëm Kufitar, palët u zotuan të ndalojnë përdorimin e të gjitha llojeve të armëve dhe çdo sulm ndaj civilëve, objekteve civile, infrastrukturës dhe objektivave ushtarake.
Armëpushimi hyri në fuqi më 27 dhjetor 2025, në orën 12:00 me orën lokale, dhe synon t’i japë fund përleshjeve vdekjeprurëse që kanë ndodhur javët e fundit në zonat kufitare mes dy vendeve aziatike. /mesazhi
