Tërmet i fuqishëm në brigjet e Oqeanit Paqësor, rrezik për cunami

Një tërmet i fuqisë 8 ballë sipas shkallës Rihter, më i fuqishmi që është regjistruar pas vitit 1985, ka tronditur brigjet e Meksikës.

Instituti Amerikan i Gjeofizikës (USGS) epiqendrën e tërmetit e njoftoi 165 km në perëndim të qytetit Tapachula në shtetin Chiapas në jug të Meksikës, jo shumë larg nga Guatemala.

Të kapur nga paniku pas tërmetit njerëzit dolën në rrugë. Ndërsa Qendra e Paralajmërimeve të Cunamit në Paqësor, paralajmëroi për cunami pas tërmetit në një rajon të gjerë në brigjet e Paqësorit, që përfshin Meksikën, Guatemalën, Hondurasin, El-Salvadorin dhe Kosta Rikën. /MESAZHI/