Një tjetër tragjedi me emigrantët e paligjshëm është regjistruar mbrëmjen e së premtes pranë brigjeve të Lampeduzës në Itali.
Sipas raportimeve paraprake një varkë me 41 emigrantë e nisur nga Tunizia është përmbysur duke shkaktura vdekjen e të paktën 3 personave, një prej të cilëve një foshnje.
Menjëherë pas marrjes së sinjalit në ndihmë kanë shkuar motovedetat e rojes bregdetare që kanë nisur një operacion shpëtimi duke evakuuar të gjithë emigrantët e tjerë.
Një fëmijë tjetër është dërguar me urgjencë në spital, ndërkohë që prokuroria e Agrigentos ka nisur një hetim për akuzën e favorizimit të emigracionit klandestin. /a2cnn
