Turqia ka kritikuar Greqinë për trajtimin “trajtimin çnjerëzor” të emigrantëve pasi 19 emigrantët thuhet se ngrinë për vdekje në kufirin greko-turk, transmeton Anadolu Agency (AA).
Në një njoftim, Ministria e Mbrojtjes e Turqisë tha se emigrantët, rrobat, këpucët dhe sendet e tjera të të cilëve dyshohet se u konfiskuan nga forcat kufitare greke para se të ktheheshin në Turqi, ngrinë për vdekje në mot të ftohtë si rezultat i “trajtimit çnjerëzor të Greqisë”.
“Greqia menjëherë duhet t’i japë fund trajtimit çnjerëzor, si në kufijtë e saj tokësor ashtu edhe në kufijtë detar”, theksoi ministria turke, duke akuzuar Athinën për shpërfilljen e Deklaratës Universale të të Drejtave të Njeriut.
Po ashtu edhe ministri turk i Punëve të Brendshme, Süleyman Soylu, të mërkurën kritikoi ashpër Greqinë dhe Bashkimin Evropian (BE) për incidentin, duke shpërndarë disa foto të vendit ku u gjetën emigrantët e parregullt me viktimat të shfaqura me pamje të turbullt.
Dje, autoritetet turke njoftuan se të paktën 19 emigrantë të parregullt u gjetën të ngrirë për vdekje, duke rritur numrin e të vdekurve nga 12 një ditë më parë.
Ndërkohë, ministri grek i Emigracionit dhe Azilit, Notis Mitarachi, në rrjetet sociale tha se incidenti ishte një “tragjedi”.
Megjithatë, ai mohoi se forcat greke i kanë kthyer mbrapa emigrantët në Turqi, duke theksuar se çdo sugjerim ndryshe është “qartësisht i rremë”.