Ushtria izraelite ka bastisur disa këmbimore në Bregun Perëndimor të pushtuar, sipas pamjeve të verifikuara nga agjencia e verifikimit të fakteve Sanad të Al Jazeera-s.
Pamjet tregojnë bastisje të njëkohshme në qytete si Nablus, Hebron, Ramallah, Tubas, Xhenin dhe Betlehem.
Në qendër të Xheninit u hodhën bomba tymuese, ndërsa rrugët u mbyllën në Tubas dhe Betlehem.
Radioja Ushtarake e Izraelit raportoi se bastisjet u kryen për shkak të dyshimeve se këto këmbimore po mbështesnin “terrorizmin”.
Sipas të njëjtit burim, operacioni do të çojë në konfiskimin e shumave të mëdha parash të cilat supozohet se ishin të destinuara për “infrastrukturën terroriste” në Bregun Perëndimor. /mesazhi
