Zyra e Medias së Qeverisë në Gaza ka akuzuar Izraelin për bllokimin e qëllimshëm të mbi 22,000 kamionëve me ndihma humanitare që presin të hyjnë në territor, duke e cilësuar këtë si pjesë të një fushate sistematike të “urisë, rrethimit dhe kaosit”.
“Nëpër pikat kufitare të Rripit të Gazës ndodhen mbi 22,000 kamionë ndihmash humanitare, shumica nga Kombet e Bashkuara, organizata ndërkombëtare dhe entitete të tjera,” thuhet në deklaratë.
“Shteti okupues izraelit po pengon hyrjen e tyre me qëllim, si pjesë e një politike të mirëfilltë për të shkaktuar uri dhe rrëmujë të qëllimshme.”
Zyra e përshkroi situatën si një “krim lufte i plotë”, që shkel ligjin ndërkombëtar dhe ushqen krimin e vazhdueshëm të gjenocidit kundër banorëve të Gazës.
“Ne e mbajmë plotësisht përgjegjës pushtimin izraelit dhe shtetet që heshtin ose bashkëpunojnë në mënyrë të tërthortë për përkeqësimin e katastrofës humanitare,” shton deklarata.
Zyra kërkon hapjen e menjëhershme dhe të pakushtëzuar të të gjitha pikave kufitare dhe lejimin urgjent të ndihmave për civilët në Gaza “para se të bëhet tepër vonë”. /mesazhi
