Zyrtarisht nga sot ndalohet hyrja me targa të Serbisë në Kosovë

Duke filluar nga sot do të vendoset reciprociteti ndaj Serbisë, sa i përket targa të automjeteve.

Qeveria e Kosovës mori vendim lidhur me reciprocitetin e targave, ndërsa dokumenti në fjalë është nënshkruar nga Ministri i Punëve të Brendshme, Xhelal Sveçla.

Në vendimin e bërë publik nga vetë ministri Sveçla ndër të tjerash thuhet se “obligohet pajisja me targa të përkohshme për të gjitha automjetet që mbajnë targa të Serbisë dhe hyjnë në territorin e Republikës së Kosovës. Pajisa me targa të përkohshme bëhet në të gjitha pikat kufitare të Republikës së Kosovës”.

Poashtu në këtë vendim theksohet se vlefshmëria e këtyre targave është 60 ditë.

Në orët e para të mëngjesit të sotëm në pikën kufitare Kosovë-Serbi, saktësisht në Jarinje janë vendosur forca të shumta policore për të përcjellur nga afër procesin e reciprocitetit të targave.

Lidhur me këtë, ministri Sveçla deklaroi se situata është e qetë