Flamuri izraelit blu dhe i bardhë u ngrit në ndërtesat zyrtare në Austri të premten në shenjë “solidariteti” me shtetin hebre, tha kancelari Sebastian Kurz.
“Unë dënoj me vendosmërinë më të madhe sulmet kundër Izraelit nga Rripi i Gazës,” tha udhëheqësi konservator një deklaratë dërguar AFP.
“Izraeli ka të drejtë të mbrojë veten kundër këtyre sulmeve. Për të treguar solidaritetin tonë … ne kemi vendosur flamurin e Izraelit”, në kancelarinë dhe ministrinë e jashtme, shtoi deklarata.
“Asgjë nuk justifikon më shumë se 1.000 raketa që Hamas dhe grupet e tjera terroriste kanë qëlluar deri më tani ndaj Izraelit nga Gaza,” tha Ministri i Jashtëm Alexander Schallenberg.
“Ne mbështesim fuqimisht sigurinë e Izraelit.”
Në vitin 2000, kur partia e ekstremit të djathtë – një parti e themeluar nga ish-nazistët – u bashkua me qeverinë e koalicionit, Izraeli tërhoqi ambasadorin e tij nga Vjena në protestë.
U deshën tre vjet që lidhjet të ktheheshin në normalitet.
Kur Kurz mori drejtimin e një qeverie të re të koalicionit me këtë parti në dhjetor 2017, ai e vendosi përmirësimin e marrëdhënieve me Izraelin si prioritet.
Sidoqoftë, Izraeli refuzoi të kishte ndonjë kontakt me ministrat nga e djathta ekstreme, të cilët më në fund u kthyen në opozitë në maj 2019.
Austria sot drejtohet nga konservatorët në aleancë me të Gjelbrit dhe në Mars, Presidenti izraelit Reuven Rivlin bëri një vizitë zyrtare në Vjenë. /mesazhi.com
