Barcelona ka mposhtur Real Madridin me rezultat 5-1 në ndeshjen e xhiros së 10-të të La Ligas.
Katalonasit në këtë ndeshje fituan edhe pa prezencën e Leo Messit i cili e ndoqi ndeshjen nga tribunat pas lëndimit të krahut.
Barca kaloi në epërsi në minutën e 11-të me anë të Coutinhos.
Më pas doli në skenë Luis Suarez i cili shënoi tre gola për ta “shkatërruar” Realin.
Golin e pestë për Barcën e shënoi Vidal në minutën e 87-të.
Golin e vetëm për Realin e shënoi Marcelo në minutën e 50-të.
Barcelona me këtë fitore është në pozitën e parë me 21 pikë ndërsa Reali ka rënë në pozitën e nëntë me 14 pikë.
Kjo është ecuria më e dobët e Realit në 30 vitet e fundit
