Bayern Munich ka shënuar fitore ndaj Dinamo Kiev me rezultat 2-1, duke vazhduar ecurinë perfekt në Ligën e Kampionëve
Ndeshja nisi me një super gol të Robert Lewandowski që shënoi me gërshërë në minutën e 14-të për 1-0.
Ky ishte goli i nëntë në Ligën e Kampionëve këtë sezon për polakun.
Pjesa e parë u mbyll me golin e Kingsley Coman i cili u asistua nga Corentn Tolisso për 2-0.
Ukrainasit e nisën me shumë raste pjesën e dytë, por nuk arritën ta gjenin golin.
Dinamo arriti të hap ndeshjen në minutën e 70-të, kur Viktor Tsygankov asistoi te Denys Garmash që shënoi për 2-1.
Deri ën fund të dy skuadrat kishin raste, por rezultati nuk ndryshoi.
Bayern Munich ka 15 pikë, ndërsa Dinamo Kiev me 1 pikë mbetet në vendin e fundit. /Telegrafi/
