Bashkimi Evropian (BE) dënoi ashpër vrasjen e gazetares së ”Al-Jazeera”-s, Shireen Abu Akleh, ndërsa po mbulonte një bastisje izraelite në Bregun Perëndimor të pushtuar.
Bashkimi Evropian beri thirrje për hetime të menjëhershme.
“Bashkimi Evropian dënon fuqishëm vrasjen e gazetares palestinezo-amerikane të ‘Al-Jazeera’-s, Shireen Abu Akleh, në Bregun Perëndimor të pushtuar”, tha në një deklaratë zyrtare zëdhënësi kryesor i shërbimit diplomatik të BE-së, Peter Stano.
Ai tha se është domethënëse që një “hetim i plotë dhe i pavarur të sqarojë të gjitha rrethanat e këtyre incidenteve sa më shpejt të jetë e mundur” dhe që ”përgjegjësit të sillen para drejtësisë”.
Deklarata gjithashtu nënvizonte se ”është e papranueshme të synohen gazetarët që punojnë” dhe se ”siguria e tyre duhet të garantohet”.
Abu Akleh, 51 vjeçe, u qëllua për vdekje teksa po mbulonte një bastisje ushtarake izraelite në qytetin Jenin të Bregut Perëndimor, dje në mëngjes.
Një gazetar tjetër, Ali Al-Samoudi, u qëllua pas shpine, sipas Ministrisë palestineze të Shëndetësisë.
Stacioni informativ televiziv ”Al-Jazeera” me qendër në Doha, ka akuzuar forcat izraelite për vrasje të qëllimshme të gazetares së saj. /atsh
Israel/Palestine:
🇪🇺 strongly condemns killing of @AlJazeera journalist Shireen Abu Akleh in Jenin. A thorough, independent investigation is needed to clarify what happened & to bring those responsible to justice. Targeting journalists is unacceptable https://t.co/MELnbgkYJo— Peter Stano (@ExtSpoxEU) May 11, 2022
