Ministri i Jashtëm Mevlut Çavusoglu deklaroi se ata panë se kishte vende që donin që lufta mes Rusisë dhe Ukrainës që filloi më 24 shkurt të vazhdonte dhe se çmimin e paguan populli i Ukrainës dhe Rusisë.
Çavusoglu, i cili ishte në Nju-Jork të Shteteve të Bashkuara të Amerikës (SHBA) për kontakte, u takua me anëtarë të komunitetit turko-amerikan në Shtëpinë Turke (Türkevi).
Çavusoglu tha se epidemia e llojit të ri të koronavirusit (Covid-19) ka përfunduar, lufta në Ukrainë ka filluar dhe problemet në rajon vazhdojnë ende.
“Në kohë si këto, lidershipi, vizioni dhe ndërgjegjja kanë vlera të larta. Kjo u pa qartë në luftën e Ukrainës. Nën udhëheqjen e Presidentit tonë Recep Tayyip Erdogan, ne vazhdojmë rrugën tonë në këto ditë të vështira me politika të jashtme aktive dhe parimore që ndjekim në këtë proces që vlerësohet nga të gjithë”, deklaroi Çavusoglu.
Shefi i diplomacisë turke tha se ata panë se kishte vende që dëshironin që lufta në Ukrainë të vazhdonte dhe se populli i Ukrainës dhe Rusisë e paguan çmimin.
Pasi vuri theksin në nevojën për një armëpushim sa më të shpejtë të jetë e mundur mes dy vendeve, Çavusoglu deklaroi se Turqia po punon me Sekretarin e Përgjithshëm të Kombeve të Bashkuara (OKB) Antonio Guterres për evakuimin e civilëve.
Duke iu referuar faktit se ekziston një grup kontakti i propozuar nga Sekretari i Përgjithshëm i OKB-së për çështjet humanitare, përfshirë OKB-në, Turqinë, Rusinë dhe Ukrainën, ministri i Jashtëm tha se “po planifikojnë që në ditët në vijim të mbajnë një takim në nivel teknik”. /trt
#Canlı 📡
ABD’de yaşayan vatandaşlarımızla buluşma
📍New York https://t.co/rKewDxDMTf
— Mevlüt Çavuşoğlu (@MevlutCavusoglu) May 17, 2022
