Chelsea ka shënuar fitore ndaj Malmos (1-0) në kuadër të xhiros së katërt të fazës së grupeve të Ligës së Kampionëve.
Londinezët ishin dominues në këtë takim, por u desh të pajtohen me një gol epërsi.
Pjesa e parë solli dy momente të mira, për secilën skuadër nga një.
Chelsea provoi me Kai Haverz në minutën e 29-të, por portieri ishte në vend.
Vendasit kanë mundur të shënojnë në fundin e pjesës së parë, por Antonio Colak lëshoi rast të mirë.
Goli i vetëm i ndeshjes u shënua në minutën e 56-të, kur Callum Hudson-Odoi pasoi te Hakim Ziyech i cili shënoi për 1-0.
Chelsea kishte edhe një rast të mirë me Havertz, por as kësaj here nuk ishte i saktë
Londinezët kanë 9 pikë nga katër ndeshje, dhe gjenden në vendin e dytë pas Juventusit.
