Chelsea ka kaluar në çerekfinale të FA Cup.
Blutë e Londrës, në 1/8 e finales eliminuaan skuadrën e Leeds United, të cilën e mposhtën me rezultat 3-2.
Skuadra mysafire ishte e para që kaloi në epërsi me golin e Mateo Joseph në minutën e tetë.
Shtatë minuta më vonë, Nicolas Jackson barazoi shifrat në 1-1.
Golin e epërsisë për Chelsean e shënoi Mykhailo Mudryk në minutën e 37-të.
Joseph me golin e dytë personal barazoi rezultatin në 2-2.
Fitoren skuadrës së Pochetinos ia siguroi Conor Gallagher, gol i cili u shënua në 90+1.
