Dëshmo o histori, se sërish toka e shenjtë po qan,
nën hijen e bombave, mbi gjakun e fëmijëve të pafajshëm.
Dëshmo o histori, se krimet nuk bëhen vetëm me armë,
por edhe me heshtje, me nënshkrime, me dorëzime me buzëqeshje.
Se ka nga ata që e shesin ndërgjegjen për privilegje,
që i shtrijnë duart vrasësve dhe i quajnë “aleatë strategjikë”.
Dëshmo o histori, për bashkëpunëtorët që i japin Izraelit mbulesën morale,
që duartrokasin mbi gjakun e martirëve dhe e quajnë “paqe normale”.
Për ata që ndërtojnë ambasada mbi rrënojat e shtëpive të shembura,
dhe heshtin kur gratë varrosin bijtë me duart e tyre të drobitura.
Dëshmo o histori, se nuk do të ketë drejtësi pa kujtesë,
se çdo fjalë e thënë në mbrojtje të krimit, është bashkëpjesëmarrje në krim.
Se çdo lider që kthen kokën andej nga pushtuesi me servilizëm,
ka humbur jo vetëm besimin e popullit, por edhe nderin dhe dinjitetin njerëzor.
Dëshmo o histori, se për çdo fëmijë që u vra me zë në buzë,
do të ketë një poet që do ta shkruajë emrin e tij në gurë të pavdekshëm.
Se për çdo bashkëpunëtor që e fshehu të vërtetën nën flamuj mashtrimi,
do të ketë një brez që do ta nxjerrë në shesh, pa frikë, pa harresë, pa mëshirë.
Dëshmo o histori…….
Nga ky soj ka edhe te ne…..
Autor: Behar Kaçeli
