Një “figurë engjëlli” që i ngjan kryeministres italiane, Giorgia Meloni, është hequr nga një afresk në një kishë në Romë pas kundërshtimeve nga autoritetet e Vatikanit, transmeton Anadolu.
Afresku i vendosur në Bazilikën e San Lorenzo në Lucina, një nga kishat më të vjetra të Romës, u restaurua vitin e kaluar nga artisti Bruno Valentinetti.
Ngjashmëria u raportua nga mediat italiane në fillim të këtij muaji, duke nxitur një hetim nga Dioqeza e Romës dhe Ministria Italiane e Kulturës.
Valentinetti më vonë pranoi se imazhi ishte frymëzuar nga Meloni.
Zyrtarët e kishës thanë se përshkrimi nuk përputhej me ikonografinë origjinale ose natyrën e shenjtë të vendit, dhe artisti pikturoi mbi fytyrë me kërkesë të autoriteteve të Vatikanit.
“Imazhet e artit të shenjtë dhe traditës së krishterë nuk mund të keqpërdoren ose shfrytëzohen”, tha në një deklaratë. Kardinali i Romës, Baldassare Reina.
Tiparet origjinale të fytyrës së figurës do të restaurohen, sipas zyrës së Dioqezës së Romës.
Ministria e Kulturës theksoi gjithashtu se çdo punë restaurimi në kishë kërkon autorizim paraprak nga institucionet përkatëse.
