Ministri i Jashtëm i Türkiyes, Hakan Fidan, theksoi rëndësinë e një armëpushimi të qëndrueshëm në Gaza gjatë një bisede telefonike me kryeministrin palestinez Mohammad Mustafa, raporton Anadolu.
Sipas burimeve diplomatike, ministri Fidan në bisedë me Mustafa, i cili është edhe ministër i Jashtëm, është informuar për situatën e fundit në Bregun Perëndimor të okupuar.
Fidan theksoi mbështetjen e vazhdueshme politike dhe ekonomike të Türkiyes për Palestinën.
Izraeli ka vrarë rreth 45.500 njerëz në Gaza që nga sulmet e Hamasit të 7 tetorit 2023.
Gjithashtu, janë shtuar bastisjet nga forcat izraelite ndaj komuniteteve palestineze në të gjithë Bregun Perëndimor që nga fillimi i luftës së Izraelit në Gaza.
