Kriza humanitare në Rripin e Gazës ka arritur një pikë kritike, pasi Programi Botëror i Ushqimit (WFP) njoftoi se magazinat e tij janë bosh dhe nuk ka më furnizime me ushqim.
Situata është përshkruar si “kushte të urisë së plotë” për shkak të mbylljes së vazhdueshme të pikave kufitare dhe rritjes së çmimeve në tregjet lokale palestineze, që e kanë bërë mbijetesën thuajse të pamundur për civilët.
Njerëzit po luftojnë çdo ditë për të përballuar krizën.
Ka pasur gjithnjë e më shumë thirrje ndërkombëtare drejtuar Izraelit për uljen e tensioneve dhe lejimin e hyrjes së ndihmave për të zbutur gjendjen katastrofike humanitare.
