Ai kishte deklaruar se do të votojë kundër planit të kryeministres për tërheqje nga Bashkimi Evropian sepse, sipas tij, ky plan paraqiste një gabim të tmerrshëm. Dorëheqja e tij vlerësohet si një goditje e rëndë për qeverinë, në një moment kur May po përpiqet ta fitojnë mbështetjen e kabinetit të saj për marrëveshjen e cila do të votohet më vonë në kuvend. Sidoqoftë, mundësia që ky plan të kalojë u zvogëlua edhe më shumë kur partia që ka 10 deputetë në kuvend, Partia Demokratike e Unionistëve, u deklarua kundër planit të kryeministres.
Pas rreth 18 muajve të negociatave dhe e gjendur nën presion kohor për shkak të marsit si afat i fundit për marrëveshje, raportohet se May po synon ta arrijë një marrëveshje e cila do ta mbante të lidhur Britaninë e Madhe me rregullat e Bashkimin Evropian, të paktën për një periudhë kalimtare. Kjo çështje po bëhet më e ndërlikuar sesa mendohej dhe kritikët thonë se zgjidhja e saj mund të zgjasë disa vjet.
Kryeministrja May shpreson se deputetët do ta votojnë propozimin e saj për marrëveshje, me qëllim të shmangies së një ndarjeje pa marrëveshje, e cila do të sillte pasoja edhe më të mëdha për vendin. Ministri i dorëhequr kishte thënë se zgjidhnja më e mirë për të dalë nga kjo situatë është mbajtja e një referendumi të ri. Sidoqoftë, May e refuzoi një mundësi të tillë. Mendohet se refuzimi i qeverisë për ta mbajtur një referendum tjetër është frika se shumica e votuesve do të votojnë për qëndrim të Britanisë së Madhe në BE, me ç’rast vendi sërish do të ndahej në dy pjesë
