“Ji krenare, Turqi”: Presidenti Erdoğan ndan videon e astronautit turk që do të udhëtojë në hapësirë

Presidenti turk Recep Tayyip Erdoğan ka theksuar arritjen në vijim të vendit të tij të një momenti historik në fushën e eksplorimit të hapësirës, transmeton Anadolu.

“Ne jemi shumë afër arritjes së qëllimit tonë për të dërguar një qytetar në hapësirë për herë të parë në një mision shkencor. Ji krenare, Turqi”, ka shkruar Erdoğan në “X”.

Presidenti ndau një video në llogarinë e tij në median sociale, duke shfaqur kolonelin Alper Gezeravcı, udhëtarin e parë të mundshëm të Turqisë në hapësirë, i cili do të nisë një mision në Stacionin Ndërkombëtar të Hapësirës (ISS) javën e ardhshme.

Në video shihet koloneli Gezeravcı duke biseduar me një vajzë të re të quajtur Zeynep, e cila vizitoi Agjencinë Hapësinore Turke për të aplikuar për një pozicion astronauteje dhe ndërvepron me të nëpërmjet video-konferencës.

Në përgjigje të pyetjeve të Zeynepit për të, Gezeravcı shprehet: “Unë jam një pilot avioni që kam 22 vjet që fluturoj. Kam kryer me sukses mbi 100 teste dhe gjithçka duket se është në rrugën e duhur. Jemi duke u përgatitur për dy vjet dhe jam i bindur se do të kem sukses”.

Kolonel Alper Gezeravcı, anëtar i ekuipazhit të “Axiom Mission 3” (Ax-3), do të niset më 18 janar nga shteti amerikan i Floridës në një mision që ka një rëndësi të madhe për vendin e tij.

Gjatë qëndrimit të tij të parashikuar 14-ditor në ISS, Gezeravcı do të kryejë një sërë eksperimentesh shkencore, duke kontribuuar në organizatën globale të kërkimit hapësinor.

Turqia zgjodhi Gezeravcın, pilot avionësh F-16 i Forcave Ajrore Turke, si udhëtarin e parë të mundshëm hapësinor të vendit vitin e kaluar gjatë ngjarjes së madhe teknologjike TEKNOFEST.

Agjencia Hapësinore Turke u krijua në vitin 2018 dhe njoftoi programin e saj hapësinor në 2019, si dhe synimin për të dërguar një mision me ekuipazh në hapësirë.

ARTIKUJ TË NGJASHËMMË SHUMË NGA AUTORI