Kampioni në fuqi i Kosovës, Feronikeli ka arritur në raundin e parë të Ligës së Kampionëve.
Skuadra e drejtuar nga Zekirija Ramadani ka fituar dy ndeshjet ne rrethin paraeliminator në Ligën e Kampionëve që u zhvilluan në kryeqytetin kosovar Prishtinë.
E falë titullit të fituar në Kosovë si dhe pjesëmarrjes në Evropë dhe kalimit në raundit e parë, klubi nga Drenasi është pasuruar edhe më shumë nga UEFA.
Shtëpia më e madhe e futbollit evropian pas çdo fitore në garat evropiane ndan shpërblime për skuadrat pjesëmarrëse.
Si kampion i Kosovës, Feronikeli do të marrë nga shtëpia më e madhe e futbollit evropian UEFA shumën prej 260 mijë euro.
Vetëm pjesëmarrja në rrethin para eliminator të Ligës së Kampionëve, Feronikelin do ta pasurojë me 230 mijë euro të tjera.
Kampioni në fuqi i Kosovës e ka kaluar tanimë rrethin parakualifikues dhe do të luajë në raundin e parë të Ligës së Kampionëve.
Zhvillimi i dy ndeshjeve në raundin e parë do të bëjë që edhe 280 mijë euro të tjera të derdhën në arkat e klubit nga Drenasi, përcjell Telegrafi.
Vetëm deri në këtë moment, Feronikeli ka fituar 770 mijë euro, nga titulli i kampionit deri në raundin e parë të Ligës së Kampionëve.
Në raundin e parë të LK, Nikli përballet me kampionin në fuqi të Uellsit, TNS dhe nëse e kalon edhe atë shuma prej 770 mijë do të shtohet edhe më shumë.
Fitimet e Niklit këtë vit mund ta kalojnë shifrën prej një milionë euro.
