Kështjella prej rëre në Danimarkë thyen rekordin, tashmë është më e larta në botë

Kështjella më e lartë e rërës në botë është ndërtuar në Danimarkë, ka një lartësi 21.16 m dhe për ndërtimin e saj është përdorur më shumë se 5 mijë tonë rërë.

Kjo kështjellë prej rëre ka thyer rekordin që mbahej nga një e ngjashme që u ndërtua në Gjermani në vitin 2019 dhe kishte hyrë në librin e Rekordeve Botërore të Guinness.

Struktura e kështjellës është shumë e zbukuruar dhe ngjason me një piramidë, në qytetin e vogël bregdetar të Blokhus.

Krijuesi i kësaj vepre është Wilfred Stijger nga Holanda dhe u ndihmua nga 30 skulptorët më të mirë të rërës në botë. Ai tha se donte që kështjella të përfaqësonte fuqinë që koronavirusi ka pasur në botë që nga fillimi i pandemisë.

Për ta bërë strukturën më të qëndrueshme, rëra përmban afërsisht 10% argjilë dhe një shtresë ngjitëse u vendos pasi u përfundua në mënyrë që të mund të përballoje kushteve atmosferike.

Kështjella do të qëndrojë në mes të qytetit për vizitorët deri në Shkurtin ose Marsin e vitit të ardhshëm./tvklan.al