Turqi: Ministri i Shëndetësisë Fahrettin Koca tha se Turqia është një vend që shprehë dhembshuri dhe është një autoritet morali për emigrantët.
Koca, në fjalën e tij në mbylljen e Takimit të Nivelit të Lartë të Migracionit dhe Shëndetësisë të Eurozonës në Stamboll të organizuar në bashkëpunim me Organizatën Botërore të Shëndetësisë (OBSH) dhe Ministrinë turke të Shëndetësisë, theksoi se problemi i migracionit nuk mund të jetë një çështje e vetëm një vendi apo rajoni.
“Ashtu si problemi është i përbashkët, zgjidhja është përmes ndjenjës së përbashkët dhe ndarjes së drejtë të barrës. Barra e paprecedentë që Turqia ka marrë për 10 vjet për shkak të krizës siriane nuk është vetëm problemi i këtyre tokave dhe nuk duhet të jetë. Prandaj, i kushtojmë shumë rëndësi bashkëpunimit, veçanërisht në studimet tona në fushën e shëndetësisë”, deklaroi ministri Koca.
Ministri turk i Shëndetësisë shpjegoi se sirianëve u jepet statusi i “mbrojtjes së përkohshme” duke ndjekur një “politikë të dyerve të hapura” dhe se atyre u lejohet të përfitojnë nga shërbimet bazë si shëndetësia dhe arsimi.
I pyetur se çfarë po bën Turqia për të plotësuar nevojat shëndetësore të familjeve nga Ukraina, Koca tha: “Turqia është një vend që shprehë dhembshuri dhe është një autoritet morali për refugjatët dhe emigrantët pavarësisht ngjyrës së pasaportës së tyre. Dua të nënvizoj se Turqia ka zgjatur dorën e saj të ndihmës për të gjithë në këtë kuptim, në pikën e autoritetit moral.”
Koca deklaroi se dërguan dy kamionë me ilaçe dhe pajisje mjekësore në Ukrainë dhe hapën një spital fushor në rajon dhe se Turqia do të ofrojë të gjitha llojet e shërbimeve kur të jetë e nevojshme për sa i përket kujdesit shëndetësor në të ardhmen. /trt
