“Po kërkove bukën, të japin urinë,
Po kërkove jetën, të japin batërdinë,
Po kërkove gjumin, të japin llaftarinë,
Po kërkove nderin, të japin poshtërsinë,
Po kërkove shokun, të japin pabesinë,
Po kërkove besën, të japin tradhëtinë,
Po kërkove mëshirën, të japin gjakësinë,
Po kërkove njeriun, të japin kafshërinë,
Po të jesh shenjtor, të bashkojnë me qenërinë,
Po kërkove dritën, të japin errësirën,
Po deshe shijen, të japin të vështirën,
Po kërkove fenë, të japin mundimin,
Po kërkove dhimbjen, të japin acarimin,
Po të duash paqen, të bashkojnë me krimin,
Po të duash familjen, të japin burgimin,
Po kërkove rregullin, të japin kukudhin,
Po kërkove Zotin, të japin të paudhin”.
Hafiz Ibrahim Dalliu (r.a)
Shkruar në Burg 1949
