Kombëtarja e Kosovës ka shënuar ngritjen më të madhe në histori në ranglistën e re të FIFA-së.
Shtëpia më e madhe e futbollit botëror sot ka përditësuar listën e renditjeve të kombëtareve.
Kosova nga pozita e 119 sa ishte herën e kaluar, tashmë është ngritur në pozitën e 114 me 1184 pikë – që është pozita më e lartë që nga pranimi në UEFA e FIFA në vitin 2016, shkruan lajmi.net.
Ngritja e re ka ardhur si shkak i dy fitoreve të këtij muaji, kundër Gjibraltarit (1-0) në miqësore dhe Malit të Zi (2-0) në kualifikimet për Euro 2020.
‘Dardanët’ po vazhdojnë rritjen graduale në ranglistën e FIFA-së dhe me këta hapa shumë shpejtë mund ta shohim në 50 më të mirat padyshim.
