Pasi ka dështuar të pushtojë kryeqytetin e Kievit ose ndonjë qytet tjetër të madh me një ofensivë të shpejtë, Rusia po zhvillon një luftë shkatërrimi në Ukrainë që ka bërë disa zona urbane – gërmadha dhe ka shkaktuar shqetësim në Perëndim se konflikti mund të përshkallëzohet, madje edhe në një luftë bërthamore, raporton Sky News.
Dhe kur u pyet për të përjashtuar përdorimin e armëve të tilla nga Vladimir Putin, zëdhënësi i Kremlinit, Dmitry Peskov refuzoi ta bënte këtë, por tha se politika e sigurisë së Rusisë diktonte se ajo do t’i përdorte ato vetëm nëse ekzistenca e saj kërcënohej.
“Nëse është një kërcënim ekzistencial për vendin tonë, atëherë ai (arsenali bërthamor) mund të përdoret në përputhje me konceptin tonë”, tha ai për CNN.
I pyetur nëse kërcënimet e fshehta të Putinit për të përdorur kishin për qëllim thjesht për t’i dërguar një mesazh botës, ai tha “presidentin Putin synon ta bëjë botën të dëgjojë dhe të kuptojë shqetësimet tona. Ne jemi përpjekur t’i përcjellim shqetësimet tona në botë, Evropë, Shtetet e Bashkuara për disa dekada, por askush nuk na ka dëgjuar”. /koha
