Kuzhina Qendrore Botërore gatuan ushqime për mbi 20,000 njerëz çdo ditë në provincën Kahramanmaras të goditur nga tërmeti në Turqi.
“Si organizatë, ne u përgjigjemi krizave në të gjithë botën. Sapo dëgjuam se kishte një tërmet në Turqi, vendosëm të hipnim në aeroplan dhe të arrijmë këtu për të filluar të ushqejmë njerëzit, “tha për Anadolu Brack Watters, një zyrtar nga organizata jofitimprurëse.
Watters tha se ata përgatisin ushqim për 20,000 deri në 30,000 njerëz në rrethin Elbistan të Kahramanmaras. Ai shtoi se ata planifikojnë të qëndrojnë në zonë për tre deri në katër muaj, por do të qëndrojnë më gjatë nëse është e nevojshme.
Ai tha se të ndihmosh njerëzit në nevojë është një “pasion i madh” për ta.
Për të ringjallur ekonominë e rrethit, ai tha se kanë blerë prodhime vendase nga banorët e Elbistanit.
Duke vlerësuar mikpritjen turke, ai tha se njerëzit në rajon përpiqen t’i ndihmojnë ata me aq sa munden.
Themeluar nga kuzhinieri Jose Andres në 2010 Kuzhina Qendrore shërben të uriturit kudo në nevojë. Pas tërmeteve të fundit kuzhina është duke shërbyer edhe në Turqi e Siri për të prekurit nga tërmetet. Po ashtu për momentin kuzhina shërben në Ukrainën e prekur nga lufta si dhe Kilin e përfshirë nga zjarrët.
In the 10 days since devastating earthquakes hit Türkiye & Syria, WCK teams—alongside incredible local chefs, volunteers & team members—have served more than one million meals to families displaced & emergency crews working around the clock, and we’ll continue to expand capacity. pic.twitter.com/pYIC1rXbTg
— World Central Kitchen (@WCKitchen) February 16, 2023
