Izraeli vazhdoi me bombardimet e tij të pamëshirshme të Gazës, duke vrarë të paktën 10 palestinezë në një sulm në veri të Gazës, disa orë pasi nisi një sulm me raketa në kampin e refugjatëve Shati. Korrespondenti i Aljazeeras thotë se sulmi ndaj Shatit i ktheu trupat e viktimës në “grumbull mishi”.
Shefi i OBSH-së Tedros Adhanom Ghebreyesus i përshkruan kushtet në spitalin e rrethuar Kamal Adwan si “të tmerrshme” dhe thotë se Izraeli ka bllokuar ri-vendosjen e një ekipi të urgjencës mjekësore në objekt.
Mjekët që trajtuan viktimat e sulmit të Izraelit në një shkollë të drejtuar nga OKB-ja në Khan Younis të dielën përshkruan “lëndime që nuk i kam parë kurrë në gjithë karrierën time” dhe treguan vdekjen e 12 fëmijëve nën moshën 12 vjeç në dhomën e urgjencës.
Këshilli Norvegjez i Refugjatëve thotë se gati një milion njerëz në Gaza po përballen me dimrin pa strehim, pasi autoritetet izraelite vazhdojnë të bllokojnë hyrjen e furnizimeve thelbësore.
Presidenti i sapozgjedhur i SHBA-së, Donald Trump tha se pasojat për Hamasin “nuk do të ishin të këndshme” nëse grupi nuk arrinte një marrëveshje për lirimin e robërve të mbetur izraelitë të mbajtur në Gaza.
