Intel tashmë ka informuar konsumatorët për rritjen e çmimeve dhe më shumë gjasa do të çojë në rritjen e çmimeve të laptopëve dhe kompjuterëve gjatë festave të fundvitit.
Intel po përgatitet për rritjen e çmimeve të procesorëve dhe çipeve. Sipas një raporti të Nikkei, rritja e çmimeve do të aplikohet për procesorët më të fuqishëm fillimisht ndërsa drejt fundit të vitit për të gjithë çipet përfshirë ato të konektivitetit.
Intel tashmë ka informuar konsumatorët për rritjen e çmimeve dhe më shumë gjasa do të çojë në rritjen e çmimeve të laptopëve dhe kompjuterëve gjatë festave të fundvitit.
Nikkei thotë se çmimi nuk është përcaktuar ende, po disa çipe mund të kushtojnë deri në 20% më shumë. Në fillim të vitit kompania kishte paralajmëruar rritje për shkak të inflacionit dhe rritjes së kostove të materialeve, transportit dhe pagave.
Rritja e çmimeve do të vijë në një kohë kur shitjet e kompjuterëve po bien. Gartner zbuloi kësaj jave se shitjet e kompjuterëve personalë kanë rënë me 13%.
Është rënia më e madhe në 9 vitet e fundit. Tregjet si Evropa, Lindja e Mesme dhe Afrika panë rënie deri në 18%. /PCWorld Albanian
