Xhudistja kosovare, Loriana Kuka ka sjellë një tjetër sukses për Kosovën.
Pasi u mposhtë në gjysmëfinale nga holandezja, Natascha Ausma, Loriana arriti të triumfojë për medaljen e bronztë në Grand Slam që mbahet në Baku të Azerbajxhanit.
Kuka ishte më e suksesshme sesa anglezja Emma Reid, në kategorinë deri në 78 kilogramë.
Xhudistja kosovare në raundin e dytë e eliminoi me IPPON gjermanen Teresa Zenker.
Në çerekfinale, Kuka u përball me xhudisten holandeze, Guusje Steenhuis.
Rikujtojmë që raundin e parë, ajo e kaloi pa luftë.