Incidenti i ndodhur vitin e kaluar u përshkrua nga Microsoft si një dështim i madh sigurie ku hakerët shtetërorë Kinezë aksesuan postat elektronike të 22 organizatave duke prekur më shumë se 500 njerëz përfshirë disa punonjës shtetërorë.
Një raport i ri nga Bordi i Vlerësimit të Sigurisë Kibernetike në SHBA arriti në përfundimin se Microsoft mund të ketë parandaluar hakimin e e-maileve shtetërore nga hakerët Kinezë përmes softuerit Microsoft Exchange Online.
Incidenti i ndodhur vitin e kaluar u përshkrua nga Microsoft si një dështim i madh sigurie ku hakerët shtetërorë Kinezë aksesuan postat elektronike të 22 organizatave duke prekur më shumë se 500 njerëz përfshirë disa punonjës shtetërorë.
Departamenti Amerikan i Sigurisë Kombëtare publikoi një raport i cili tha se hakimi mund të ishte parandaluar dhe disa vendime brenda Microsoft kanë krijuar një kulturë korporative që nuk i jepte prioritet investimeve në siguri dhe menaxhim rreziku.
Hakerët përdorën një çelës Microsoft Account (MSA) për të aksesuar Outlook në web (OWA) dhe Outlook.com. Raporti thotë se Microsoft ende nuk e di sesi është vjedhur ky çelës.
Gjetjet vinë në të njëjtën javë që Microsoft lançoi Copilot for Security, një chatbot AI dizajnuar për profesionistët e sigurisë. Microsoft tarifon bizneset 4 dollarë në orë për këtë shërbim si pjesë e një modeli biznesi bazuar në konsum.
Nobelium, grupi i hakerëve që pretendoi sulmin ndaj SolarWinds, arriti të përgjonte e-mail-et disa ekzekutivëve të Microsoft për muaj me radhë.