Abbas Araghchi ka arritur në Ankara për pjesëmarrje në takimin e Organizatës për Bashkëpunim Islamik, ku pritet të marrin pjesë mbi 40 ministra të jashtëm, sipas agjencisë shtetërore të lajmeve Young Journalists Club.
Ky takim vjen pas takimit të Araghchit me homologët evropianë në Gjenevë të premten.
Presidenti turk, Recep Tayyip Erdogan, raportohet se ka zhvilluar dy biseda telefonike me Presidentin amerikan Donald Trump pas sulmit të parë izraelit ndaj Iranit, në një përpjekje për të deeskaluar konfliktin.
Në një deklaratë të premten, Trump duket se minimizoi mundësinë e ushtrimit të presionit mbi Izraelin për të ndaluar operacionet ushtarake kundër Iranit. /mesazhi
