Një mjek britanik ka paralajmëruar se mungesat e ilaçeve në Gaza, si pasojë e bllokadës izraelite, po kthehen në raste vdekjeprurëse, edhe pse shpesh përshkruhen si një problem “i zakonshëm”.
Dr. Graeme Groom, kirurg ortoped nga Britania e Madhe, i cili ka punuar vullnetarisht në spitalet e Gazës më shumë se 40 herë, tha se termi “mungesë ilaçesh” nuk e pasqyron realitetin e ashpër në terren.
Duke folur për Al Jazeera në margjinat e Forumit të Al Jazeera-s në Doha, ai tregoi se një kolege e tij nga Gaza i kishte dërguar një kërkesë urgjente për një ilaç antifungal të quajtur amfotericinë.
Sipas Groom, ilaçi nevojitej për një vajzë 18-vjeçare që vuante nga një infeksion shumë i rrallë fungal, mukormikozë, i shkaktuar nga diabeti dhe sëmundje të tjera shoqëruese, të përkeqësuara nga mungesa e trajtimit të duhur.
“Mesazhi i fundit që mora ishte: ‘Kjo është një emergjencë. Kërpudha po i ha fytyrën’,” tha ai.
Dr. Groom theksoi se listat e ilaçeve dhe pajisjeve kirurgjikale që mungojnë plotësisht mund të duken si statistika, por pas tyre fshihen pasoja shkatërruese për pacientët individualë. “Ndikimi njerëzor është absolutisht i madh,” përfundoi ai. /mesazhi
