Pandemia e COVID-19 është shumë larg përfundimit, njoftoi të martën komiteti i urgjencës i OBSH-së, duke u bërë thirrje vendeve të njohin të gjitha vaksinat e miratuara nga agjensia.
Pas takimit të tij të fundit javën e kaluar, Komiteti lëshoi një deklaratë në të cilën theksoi se “ndërsa është bërë përparim përmes rritjes së përdorimit të vaksinave dhe trajtimeve COVID-19, analiza e situatës aktuale dhe modelet e parashikimit tregojnë se pandemia është larg të qenët e përfunduar”.
Në deklaratën e tij, ai tha se kishte vendosur javën e kaluar “njëzëri se pandemia është ende një ngjarje e jashtëzakonshme, që vazhdon të ndikojë në shëndetin e popullatave në mbarë botën, paraqet rrezik të përhapjes ndërkombëtare dhe ndërprerjes së trafikut ndërkombëtar, ndaj kërkon një përgjigje të koordinuar ndërkombëtare”.
Në rekomandimet e tij për shtetet, komiteti mbetet kundër parimit të vërtetimit të vaksinimit për udhëtimet ndërkombëtare, duke pasur parasysh shpërndarjen e pabarabartë të vaksinave në mbarë botën. /atsh
