Presidentja e Kosovës, Vjosa Osmani ka thënë se ka qenë kënaqësi diskutimi me ministrin për Punët e Jashtme, Evropë dhe për Tregtinë të Maltës, njëherësh kryesues i OSBE-së, Ian Borg.
Osmani tha se me Borg diskutuan për thellim të bashkëpunimit mes të dyja vendeve, derisa theksoi se Malta gjithnjë vazhdon të jetë për krah Kosovës në përpjekjet për anëtarësim në organizata ndërkombëtare.
“Mirë se vini në Kosovë, ministër Borg! Malta, si gjithnjë, vazhdon të jetë përkrah Kosovës në përpjekjet tona për anëtarësim të plotë në organizata ndërkombëtare. Kënaqësi të diskutojmë edhe për prioritetet e Maltës si kryesues të OSBE-së, si dhe për thellimin e mëtejmë të bashkëpunimit në mes të dy vendeve tona”, tha më tej Osmani.
