Paris Saint-Germian dëshiron ta mbyllë transferimin e Mauro Icardit nga Interi.
Sulmuesi argjentinas u largua nga Nerazzurët në verën e vitit të kaluar, pasi nuk ishte më i dëshiruar në skuadër, shkruan telegrafi.
Icardi kaloi më pas te kampioni nga Ligue 1, aty edhe ku po shkëlqen me golat e tij dhe po tregon se është një lojtar i vlefshëm.
Interi nuk dëshiron ta rikthejë më në skuadër sulmuesin problematik, andaj në verën e këtij viti dëshiron ta shesë.
PSG e ka shansin e para që ta blejë kartonin e plotë të tij, madje duke i ofruar një kontratë katërvjeçare.
Në garë për transferimin e Icardit thuhet se është edhe Juventusi, por që parisienët kanë përparësi.
Argjentinasi ka shënuar nëntë gola në 11 paraqitjet që i ka zhvilluar në këtë sezon te PSG.
