Paris Saint-Germaini është rikthyer te fitorja me një triumf prej 2-0 kundër Monacos në Parc des Princes.
Pas 12 minutash lojë u akordua penallti në favor të parisienëve, të cilën e konvertoi në gol Kylian Mbappe.
Pas një aksioni të nisur nga Lionel Messi, argjentinasi shkoi deri te zona kundërshtare dhe asistoi te anësori francez, i cili edhe një herë ishte i saktë (45’).
Në gjysmën e dytë nuk pati gola të tjerë dhe lideri i Ligue 1 triumfoi falë realizimeve në gjysmën e parë.
Në këtë mënyrë, Paris Saint-Germaini është kthyer te fitorja pas dy barazimeve rresht dhe vazhdon primatin me 13 pikë më shumë se përcjellësi i parë, Marseille.
Monaco mbetet në vend të tetë në renditje me 26 pikë të arkëtuara.
