Qeveria e Kosovës ka proceduar për në Kuvendin e Kosovës Projektligjin për transformimin e Forcës së Sigurisë së Kosovës në ushtri, njofton Klan Kosova.
Ministri i FSK-së, Rrustem Berisha ka propozuar në mbledhjen e ekzekutivit transformimin e FSK-së në Ushtri.
Me këto projektligje, FSK-ja pritet të marrë detyra të reja dhe Ministria e FSK-së avancon në Ministri të Mbrojtjes.
Berisha ka thënë se kur të krijohen kushtet do të shkohet edhe me ndryshime kushtetuese për ndryshimin e merit të FSK-së.
Në këtë pikë nevojiten dy të tretat e votave të përgjithshme dhe ato të minoriteteve.
