Për shkak të tajfunit Talim, i cili ka përfshirë provincën Guandong në jug të Kinës, përafërsisht 230 mijë njerëz janë evakuuar nga shtëpitë e tyre, transmeton Anadolu.
Sipas një lajmi të BBC-së, qindra avionë dhe trena janë anuluar për shkak të tajfunit, ndërsa shpejtësia e erës është rritur në 140 kilometra në orë.
Rreth 230 mijë njerëz janë evakuuar nga shtëpitë e tyre për shkak të tajfunit Talim, i cili preku provincën Guandong.
Banorët u paralajmëruan të qëndrojnë larg vijës bregdetare.
Në Vietnam janë evakuuar rreth 30 mijë persona nga rajonet që pritet të preken më shumë nga tajfuni Talim.
Shkollat dhe bursa u mbyllën përkohësisht dje në Hong Kong për shkak të tajfunit.
