Rusia regjistroi të shtunën një rekord të ri vdekjesh dhe infektimesh të lidhura me COVID-19, për të tretën ditë radhazi, shenjë e valës së rëndë epidemike që po godet vendin.
Sipas bilancit të qeverisë, 1 075 persona kanë vdekur dhe 37 678 janë infektuar në 24 orët e fundit.
Që prej muajit qershor, vendi është përballur me një valë të re të epidemisë, e shkaktuar nga shfaqja e varianteve më agresive, respektimi i ulët i përdorimit të maskave dhe vështirësitë e mëdha të fushatës së vaksinimit.
Numri i të vdekurve tani ka arritur në 229 528, duke e bërë Rusinë vendi më i prekur nga vdekjet në Evropë.
Por këto të dhëna janë kryesisht të nënvlerësuara, pasi agjencia e statistikave Rosstat ka numëruar më shumë se 400 000 të vdekur në fund të gushtit. /atsh