Futbolli evropian vazhdon edhe sot (e shtunë) me ndeshje të shumta në program në top ligat respektive.
Një nga ndeshjet më interesante pritet të zhvillohet në Serinë A italiane ku do të përballen dy ekipet që synojnë një vend që dërgon në Ligën e Kampionëve edicionin e ri, shkruan lajmi.net.
Lazio dhe Juventusi e zhvillojnë sonte nga ora 20:45 derbin e javës së 29-të në elitën e futbollit italian.
Në takimin tjetër të ditës në kampionatin elitar të futbollit italian luan edhe Roma në udhëtim me Torinon nga ora 18:30.
Në Premierligën angleze do të zhvillohen sot tetë përballje.
Dueli i parë nis nga ora 13:30 me ndeshjen ndërmjet Manchester United dhe Evertonit në stadiumin “Old Trafford”.
Chelsea do të udhëtoj te Wolves për ta zhvilluar sfidën e radhës nga ora 16:00, ndërkohë Manchester City e përmbyll ditën në elitën e futbollit anglez me ndeshjen në udhëtim kundër Southamptonit nga ora 18:30.
Krejt në fund, takimi më i rëndësishëm në La Ligan spanjolle është sfida mes Real Madridit dhe Villarrealit.
Ky ballafaqim luhet në stadiumin “Santiago Bernabeu” dhe nis nga ora 21:00.
