Sekretari i përgjithshëm i NATO-s, Jens Stoltenberg ka thënë se e mirëpret marrëveshjen mes Kosovës dhe Serbisë për lirinë e lëvizjes mes dy vendeve.
Ai përmes një postimi në Twitter ka thënë se kryeministrin e Kosovës Albin Kurti dhe presidentin serb, Aleksandar Vuçiq që t’i zgjidhin çështjet e pazgjidhura përmes dialogut.
Ai tutje ka shtuar se KFOR-i do të mbetet vigjilent.
”E mirëpres marrëveshjen e lehtësuar nga BE-ja për lëvizjen e lirë ndërmjet Kosovës dhe Serbisë. Unë i inkurajoj të dy (presidentin serb, Aleksandar Vuçiq dhe kryeministrin e Kosovës Albin Kurti v.j.) për të zgjidhur çështjet e pazgjidhura përmes dialogut politik. @NATO_KFOR mbesin vigjilentë”, shkruan Stoltenberg.
Të shtunën, Serbia dhe Kosova ranë dakord për një politikë të re kufitare nën një proces dialogu të lehtësuar nga Bashkimi Evropian, ka njoftuar shefi i politikës së jashtme të bllokut, Josep Borrell. /koha
