Prej nisjes së incidenteve, policia po iu bën thirrje me megafon protestueseve që të ndërpresin veprimet e dhunshme.
“Ndërprisni veprimet e dhunshme, ruani qetësinë!”, u janë drejtuar policia protestuesve.
“Veprimet që po kryeni përbëjnë vepër penale. Policia do të zbatojë ligjin”, ka bërë thirrje policia me megafon.
Ndryshe, protesta e opozitës në Tiranë ka nisur me përplasje mes forcave të policisë dhe protestuesve, teksa protestuesit kanë çarë kordonin e Policisë së Shqipërisë.
Përpos përplasjes fizike, nuk kanë munguar edhe hedhja e mjeteve plasëse duke shkaktuar tym dhe zjarr.Të paktën 6 persona raportohet se kanë mbetur të plagosur në protestën e stome.
Opozita zhvillon protestën që sipas organizatorëve ka për qëllim largimin e kryeministrit Edi Rama dhe krijimin e një qeverie tranzitore, që do e çojë vendin në zgjedhje të parakohshme.
