Presidenti i SHBA-së, Donald Trump, ka urdhëruar zyrtarët federal të shëndetësisë të rishikojnë orarin e vaksinimit të fëmijëve dhe të marrin në konsideratë uljen e numrit të vaksinave të rekomanduara për t’u përputhur me ato të vendeve të tjera të zhvilluara, transmeton Anadolu.
Urdhri i tij vjen vetëm disa orë pasi një panel këshillues për vaksinat votoi për t’i dhënë fund rekomandimit të hershëm që të gjithë të porsalindur të marrin vaksinën e hepatit B, ndryshimi më i madh në orarin e imunizimit të fëmijëve nën sekretarin e Shëndetësisë, Robert F. Kennedy Jr.
Memorandumi i presidentit Trump e quajti SHBA-në një “përjashtim” për rekomandimin e vaksinimit të të gjithë fëmijëve kundër 18 sëmundjeve dhe vuri në dyshim dhënien e vaksinave vjetore të gripit për fëmijët, si dhe theksoi se çdo rishikim duhet të ruajë qasjen në vaksinat ekzistuese.
Trump në Truth Social shkroi se SHBA-ja rekomandon “shumë më shumë” vaksina për fëmijë sesa nevojiten.
“Në fakt, është qesharake. Shumë prindër dhe shkencëtarë kanë vënë në pikëpyetje efikasitetin e këtij orari, ashtu si edhe unë”, tha ai.
Kjo është arsyeja që, theksoi ai, sapo ka nënshkruar një memorandum presidencial që e urdhëron Departamentin e Shëndetësisë dhe Shërbimet Njerëzore “të përshpejtojnë” një vlerësim gjithëpërfshirës të orareve të vaksinimit nga vende të tjera anembanë botës dhe të përshtasë më mirë orarin e vaksinimit të SHBA-së.
