Kompania kineze Xiaomi ka njoftuar se do të së fillojë së shpejti me porositë e para sa i përket veturës së saj të parë elektrike.
Siç raporton BBC, çmimi i kësaj veture pritet të zbulohet më 28 mars, e porosia e tij mund të bëhet në 59 dyqane që i ka në pronësi në 29 qytete kineze, transmeton Telegrafi.
Bëhet fjalë për veturën Speed Ultra 7 (SU7) që u prezantua vitin e kaluar, ndërsa drejtori ekzekutiv i Xiaomi, Lei Jun ka bërë të ditur se synojnë të ngriten lart në autoindustri.
Kjo kompani zotohet se do të investojë 10 miliardë dollarë në biznesin e veturave, gjatë 10 viteve të ardhshme.
SU7 do të prodhohet në fabrikën e BAIC Group në Pekin, që pretendohet se ka “kapacitete” të prodhojë 200 mijë vetura në vit.
