Serie A edhe zyrtarisht ka vendosur që të rifillojë sezonin.
Në samitin e mbajtur sot, i cili nisi në ora 18:30, Serie A, Qeveria e Italisë dhe FIGC kanë marrë vendimin që sezoni të rifillojë, transmeton lajmi.net.
Sezoni do të rifillojë më 13 ose 20 qershor, sipas vendimit që është marrë sot në samitin e mbajtur.
Ministri i Sportit në Itali, Vincenzo Spadafora, do të njoftojë kryeministrin Giueseppe Conte për vendimin e marrë, dhe ky i fundit do të përcaktojë zyrtarisht datën.
Bazuar në atë se masat e ndalesës në Itali vlejnë deri më 14 qershor, do të duhet një ndryshim nga kryeministri italian, por do t’i takojë Lega Serie A që të caktojë datat për ndeshjet, por edhe për Kupën e Italisë.
Gjithsesi, sipas medieve italiane, data 20 do të jetë ajo që i jep startin Serie A, kurse më 13 ka gjasa të rifillojë Kupa e Italisë.