Kur temperaturat rriten, gjithçka që duam të hamë janë ushqime të lehta dhe të freskëta. Fatmirësisht, shumë prej tyre, si frutat dhe perimet e freskëta, janë hidratuese, pastruese dhe të shijshme. Më të mirat mes tyre përmbajnë beta-karoten, një pigment natyror që ka efekte fantastike në shëndetin e lëkurës.
“Studime të shumta tregojnë se një dietë e pasur me antioksidantë, acide yndyrore esenciale, vitamina dhe minerale të caktuara mund të parandalojë plakjen e parakohshme të lëkurës, të përmirësojë shkëlqimin dhe strukturën e saj, dhe të reduktojë shfaqjen e sëmundjeve inflamatore,” shpjegon nutricionistja Carmen Mera. “Mes përbërësve më të rëndësishëm është pikërisht beta-karoteni.”
Çfarë është beta-karoteni?
Beta-karoteni është pigmenti natyral që i jep ngjyrën e ndezur portokalli ose të verdhë shumë frutave dhe perimeve. Ai i përket familjes së karotenoideve, që janë antioksidantë të fuqishëm.
Ky pigment vepron si pararendës i vitaminës A që do të thotë se, pasi konsumohet, trupi e shndërron atë në retinol, i cili është thelbësor për shëndetin e syve, sistemin imunitar, ripërtëritjen e qelizave dhe zhvillimin e tyre. Dhe siç tashmë e dimë, retinoli është gjithashtu i jashtëzakonshëm për lëkurën.
Beta-karoteni ndihmon në neutralizimin e radikaleve të lira, të cilat dëmtojnë qelizat dhe shkaktojnë inflamacion. Ai ndihmon në ngadalësimin e procesit të plakjes, forcon mbrojtjen e lëkurës ndaj diellit dhe ndihmon në parandalimin e thatësisë, djegieve dhe rrudhave të hershme.
Ushqimet më të pasura me beta-karoten:
Për t’i dalluar është e lehtë: zakonisht kanë ngjyrë portokalli ose të kuqe. Por mos u kufizoni nga ngjyra edhe perimet me gjethe jeshile kanë shumë beta-karoten, vetëm se pigmenti është i maskuar nga klorofili.
Ja lista me 14 prej tyre:
Karrota
Patatja e ëmbël
Kungulli i verdhë
Mango
Kajsia
Domatja
Papaia
Pjepri
Hurma
Spinaqi
Jani (jepunja)
Brokoli
Lakra kale
Portokalli
