Bashkimi Evropian dëshiron të mobilizojë mbi 150 miliardë euro (172 miliardë dollarë) në investime në Afrikë përmes programit të tij “Global Gateway”, njoftoi të enjten presidentja e Komisionit Evropian Ursula von der Leyen.
Nisma “Global Gateway” synon të lidhë bllokun me pjesën tjetër të botës dhe të rivalizojë programin e Kinës “Rruga e Re e Mëndafshit” që tashmë ka derdhur miliarda dollarë në projekte infrastrukturore në vende anembanë botës, duke përfshirë Afrikën.
Nisma e BE-së synon të ndihmojë në sigurimin e 300 miliardë eurove në financim, rreth një e treta e asaj që synohet nga Kina.
Njoftimi i Von der Leyen erdhi pas takimit me presidentin senegalez Macky Sall në Dakar dhe përpara një samiti që do të bashkojë liderët e BE-së dhe Bashkimit Afrikan javën e ardhshme në Bruksel. /atsh
