Kjo fundjavë do të jetë shumë e rëndësishme për futbollistët e Kombëtares së Kosovës.
Dhjetëra futbollistë nga Kosova, do të jenë në aksion këtë të shtunë dhe të diel për skuadrat e tyre në Evropë.
Nuk do fjalë se vëmendja do të jetë në Turqi dhe në Gjermani.
Vedat Muriqi, tani si një lojtar i Fenerbahces, do të zhvillojë për të parën herë derbin kundër Galatasarayt në udhëtim.
25 vjeçari po jeton momentet e tij te Fenerbahce, ku në pesë ndeshjet e para ka shënuar tri gola, ndërsa të njëjtën gjë do të kërkojë ta bëjë edhe kundër Galatasarayt, në ndeshjen që fillon nga ora 19:00.
Ndeshje për t’u mos u humbur do të jetë edhe ajo mes Werder Bremen dhe Borussia Dortmund.
Anësori i Kosovës, Milot Rashica, pritet të jetë titullar qëndrimit jashtë fushave për një kohë, shkaku i lëndimit.
Rashica këtë sezon në Bundesligë ka zhvilluar vetëm një ndeshje, dhe një rikthim në fushë përballë Dortmundit me një rezultat pozitiv, do të ishte gjëja më e mirë për të.
Në këtë të shtunë, ndeshje do të zhvillojnë edhe Ibrahim Dresheviq, që me Heerenveen takohet me VVV, ndërsa në Championship, Huddersfield i Florent Hadërgjonjat pret Millwallin, ndërsa Swansea i Bersant Celinës, skuadrën e Readingut./Lajmi.net/
